Manqabat,qaseeda,qasida,nazm,intezaar,intezar,muntazar,imam e zamana,zamaana,mahdi,mehdi,hujjat e aakhir,akhir,in urdu,

🍄🍄🍄🍄🍄🍄🍄🍄🍄

                       انتظار

تیار رکھئے جادہء  ایوانِ انتظار
آجائے کب وہ مصحفِ عنوان  انتظار 

تھوڑا سا بھی اگرچہ ہے عرفانِ انتظار 
ہر دم اکھٹا کیجئے سامانِ انتظار

 تقویٰ ، علوم ، صبر ، مناجات ، بندگی
یہ وہ تمام شئ ہیں ،  جو ہیں جان انتظار

الساعۃ العجل نہ ہو خالی زبان پر
رگ رگ میں بانگ دیتا ہو قرآن  انتظار

دنیا کو چیخ چیخ کے اعضاء گواہی دیں
یوں دل میں مہکے غنچہء ریحان انتظار 

سیرت ہماری اتنی حسین و جمیل ہو
شاداں ہو فخر یوسف کنعان انتظار

جو چاہے ، اس عبادت عظمیٰ میں ہو شریک
ہردم کھلا ہے چہرہء  قرآنِ انتظار 

ہونے نہ دیں گے دامنِ امید تار تار
سوئیں گے لیکے شام کو ایقان انتظار

خود رستم اجل بھی اسے نہ چھڑائے گا
تھاما ہے ہم نے اس طرح دامانِ انتظار 

جوں جوں طویل ہوتاہے وقفہ ظہور کا
ازغیب اور بڑھتا ہے میلان انتظار

الیاسؑ و خضرؑ عیسیؑ و ادریسؑ آپ سے
رونق پذیر رہتاہے دالان انتظار

ہم ہی نہیں خدا بھی ہے خود اس کا منتظر
سب پورا کر رہے ہیں یہ پیمانِ انتظار

اک روز بھی قیامِ قیامت میں ہو اگر
بوڑھا نہ ہو کسی کا بھی ایمانِ انتظار

جسوقت بھی تھکن کے ہوں آثار کچھ عیاں
قرآں سے دل لگائیے دوران انتظار

یارانِ غار پر تو مکمل یقین ہے
آتی نہیں ہے مغز میں برہان انتظار

اس کے خلاف کچھ کریں کفار و ملحدین
پروردگار خود ہے نگہبان انتظار

میں نے غریب خانہ سجایا ہے ' اس طرح
دیوار و در پہ رکھ دئے گلدان انتظار

آئیں تو مولاؑ ' پہلے قدم بوسی میں کروں
بیٹھا ہوا ہوں بن کے میں دربان انتظار

خالی نہ کیف بیٹھئے راہِ امام میں
لکھتے رہیں اسی طرح دیوانِ انتظار






 🌻 اللھم عجل لولیک الفرج

🖊  رضی حیدر کیف

🍄🍄🍄🍄🍄🍄🍄🍄🍄🍄🍄🍄🍄🍄🍄🍄🍄🍄