Manqabat,qaseeda,qasida,nazm,multiple topics,in urdu,

1_جناں میں بس وہی افراد اپنا گھر بناتے ہیں
 جو غم میں حضرت شبیر کے آنسو بہاتے ہیں

2_ دلوں میں خواہش زیارت جو لے کے مر بھی جاتے ہیں
 تو اس کی قبر میں مولا مرے تشریف لاتے ہیں

3_ حدیث جعفرصادق سے وہ مومن ہوئے ثابت
 جو وعدہ کر لیا کرتے ہیں تو اسکو کو نبھاتے ہیں

4_ وہی کہلائیں گے سچے مسلمان اے جہاں والوں
 جو حج کے بعد مولا کی زیارت کرنے جاتے ہیں

5_مکمل طور سے مختار نے ثابت کیا اس کو
 علی والے جو کہتے ہیں اسے کر کے دکھاتے ہیں

6_ پدر کے نام سے محروم ہوبیٹھے جو دنیا میں
 محمد مصطفی کو بھائی وہ اپنا بتاتے ہیں

7_ادھر ام البنیں کی آنکھ میں خوشیوں کے آنسو تھے
  لئے عباس کو گودی میں حیدر مسکراتے ہیں

8_  ابھی بھی وقت ہے خود کو سنوارو اے مسلمانوں
 یہ دنیا ہے یہاں آتے ہیں کتنے اور جاتے ہیں

 9_وہ کیا کر پائیں گے امداد غیروں کی جہاں والو
 جو اپنے خود کے رشتے دار کو ہی بھول جاتے ہیں

10_ انہیں کو بس شرف حاصل ہے غازی کی غلامی کا
جو دو روٹھے ہوئے بھائی کو آپس میں ملاتے ہیں

 11_دبا سکتا نہیں اس کو زمانہ اےجہاں والوں
 سروں پہ تعزیہ سرور کا جو اپنے  اٹھاتے ہیں

12فراز دار پہ دیکھو سنا کی نوک پر دیکھو
ہوا کے دوش پہ ہم آشیاں اپنا بناتے ہیں

13_وہی اللہ کے نزدیک سب سے معتبر ٹھہرے
جو اپنے دل کو عشق ال احمد سے سجاتے ہیں

14_ نہ ان سے تم کبھی زوار امیدِ وفا رکھنا
جو گرتے شخص پہ ہنستے ہیں اور تالی بجاتے ہیں



☘☘☘☘☘☘☘☘☘☘☘☘☘☘☘☘☘☘
*✍ زوار حسینی ہلوری✍*