Manqabat,qaseeda,qasida,nazm,gehwara,Jhula,gehwaara,jhoola,imam e husain,moula husain,in urdu,

 نبی کا ناز ، شہِ مشرقین ھے اِسمیں 

 جنابِ فاطمہ کا نورعین ھے اسمیں 

خدا کے دین کی سب زینب و زین ھے اسمیں 

حسِین جھولا ھے مولا حُسین ہیں اسمیں  

یہ خود میں عرش کے انوار کو سموتا ھے 

اسی میں چین سے زہرا کا چین سوتا ھے

تمام نور کے پیکر اِسے جُھلاتے  ہیں 

نبی امام پیمبر اِسے جھلاتے  ہیں 

جنابِ حیدرِ صفدر اِسے جھلاتے  ہیں 

رسولِ پاک تو اکثر اِسے جھلاتے ہیں 

کسے خبر کہ یہ کن عظمتوں کا حامل ھے 

اِسے جھلانا بھی کارِ نبی میں شامل ھے 

یہ جُھولا عکسِ تمنّآ ھے سارے جُھولوں کا

یہ جھولا عرشِ معلّی ھے سارے جھولوں کا 

یہ جھولا جنّتِ مأوی ھے سارے جھولوں کا 

یہ جھولا خانہءِ کعبہ ھے سارے جھولوں کا 

تمام جھولوں کی یہ وجہِ زین رہتا ھے

کہ اسکی گود میں زہرا کا چین رہتا ھے 

خدا کے دین کا احسان اسکی گود میں ھے 

رسولِ پاک کا دل جان اسکی گود میں ھے 

دلِ بتول کا ارمان اسکی گود میں ھے 

 یہ مثلِ رحل ھے قر آن اسکی گود میں ھے 

بیاں ہو کیسے کے یہ رفعتوں میں کیسا ھے 

پۓ حسین یہ مادر کی گود جیسا ھے 

کروں میں کیسے بھلا اسکی عصمتوں کو بیاں 

حدوں میں اسکی سمٹ آیا عالمِ امکاں

دکھائی دیتا ھے جُھولا تجلِّئِ یزداں 

یہ جھولتا ھے تو چلتی ھے گردشِ دوراں 

تمام جھولوں پے جھولا یہ راج کرتا ھے

ملائکہ کا یہ جھولا علاج کرتا ھے