🌹مدحِ جنابِ علی اکبر (ع)🌹
🌿🌹==================🌹🌿
شبیہِ مرسلِ اعظم حسینؑ کا اکبر
پیمبروں میں مکرّم حسینؑ کا اکبر
🌿🌹==================🌹🌿
دلوں میں جن کے ہے عشقِ پیمبرِ اکرم
انہی کو یاد ہے پیہم حسین کا اکبر
🌿🌹==================🌹🌿
ہوا ہے ثانیِ زہرا کی گود میں پل کر
جوان صورتِ خاتم حسین کا اکبر
🌿🌹==================🌹🌿
یہ چاند تارے بهی شرما کے بیٹھ جاتے ہیں
وہ نور دیتا ہے ہر دم حسین کا اکبر
🌿🌹==================🌹🌿
نگاہِ ربِّ جلی میں ہے عظمتوں کی قسم
عظیم اور معظّم حسین کا اکبر
🌿🌹==================🌹🌿
یزیدیت کے چراغوں کی لَوْ کو لمحوں میں
اکیلا کر گیا مدّهم حسین کا اکبر
🌿🌹==================🌹🌿
رسول خلد سے آ کر بلائیں لیتے ہیں
اذان دیتا ہے جس دم حسین کا اکبر
🌿🌹==================🌹🌿
سُنا ہے ظاہر و باطن ہے اسکا مثلِ نبی
ہے یوں بھی فخرِ دو عالم حسینؑ کا اکبر
🌿🌹==================🌹🌿
ستم کی تیغ بهی سینہ پہ کها کے مقتل میں
رہا ہے دین پہ قائم حسین کا اکبر
🌿🌹==================🌹🌿
حسن یہ یکھ کے کہتے تهے لوگ اکبر کو
نبی کاحُسنِ مجسّم حسین کا اکبر
🌿🌹==================🌹🌿
از.محمّد حسن سرسوی✍
Comments
Post a Comment