Manqabat,qaseeda,qasida,nazm,imam e husain,hussain,in urdu,

 1 

حسین عین سمندر ہے اک حباب کہاں 

علی کے لال سا دارین میں جناب کہاں 

 

2 

سر بریدہ سے تبلیغ کر رہے ہیں حسین 

دھر میں ایسا کسی نے کیا خطاب کہاں

 

3

 سوال بیعت فاسق کو قتل کر ڈالا 

حسین تیرے نہیں کا کوئی جواب کہاں 

   4 

 تمھیں ہو خامس اصحاب چادر تطہیر 

چمن میں  زہرا کے تم سا کوئی گلاب کہاں 

 

5

ملے ہیں مکتب کربل سے جو سبق ہم کو 

زمانے بھر کے مکاتب میں وہ نصاب کہاں 

6  

سناں کو توڑا ہے سینے سے جاکے میداں میں

جہاں میں اکبر ِذیشان سا شباب کہاں 

7 

جہاں پہ صبر تھا مشکل وہاں ہے شکر خدا 

حسین نوع بشر میں ترا جواب کہاں

8 

لکھی ہو جس نے لہو سے کتاب عشق خدا 

حسین جیسا کوئی صاحب کتاب کہاں

9 

سپاہ حر کو کیا آب سرد سے سیراب 

حسین تیرے کرم کا بھلا حساب کہاں 

10

 فلک نشین ہیں خادم حسین کے راہب 

جہاں میں حضرت شبیر سا جناب کہاں