خانـۂ دل کـو سجـائیـں عیـدِ زہرا کے طفیل
گل مســرت کے بچھـائیں عیـدِ زہرا کےطفیل
آؤ مـل کـر مسکـرائیں عیــدِ زہرا کے طفیل
بزم قـــرآنی بنـائیں عیــدِ زہرا کے طفیـل
تاج پوشئِ امـامِ عصــر میـں ہونے شـریک
آسمـاں والے بھـی آئیـں عیــدِ زہرا کے طفیل
ظلمتوں کےسینےجسکےنورسےہوجائیں چاک
اک دیـا ایســا جـلائیـں عیــدِ زہرا کے طفیـل
عطـر چھـڑکیں بزم میں ایمان اور اخـلاق کا
ثروتِ اخـلاص پائیں عیــدِ زہرا کے طفیـل
گونج اٹھے نعـــرۂ صــلوٰة سے سـارا جہـاں
نعـــرۂ حیــدر لگائیں عیــدِ زہرا کےطفیـل
لہلہـاۓ دہر میں صـدق وصـداقت کا چمـن
امن کے غنچے کےکھلائیں عید زہرا کےطفیل
پرچـمِ اسـلام کے سـاۓ میں رہ کر ہر گھـڑی
اطمینـان قلب پائیں عیــدِ زہرا کے طفیل
ہر دعـا مقبـول ہوگی رَبِ کعبـہ کے حضـور
ہم اگـر عـرضی لگائیـں عیــدِ زہرا کے طفیـل
یوں کریں حسنِ عمل سےاپنی آویزاں حیات
عرش والے دیں دعائیں عیــدِ زہرا کے طفیـل
مثــلِ یاقـوت و زَمَــرّد ہـر بشــر آۓ نظـر
خـود کو نورانی بنـائیں عیـد زہرا کے طفیـل
بیکس و مسکین غربا کی کریں بڑھ کر مـدد
فرضِ انسـانی نبھـائیں عیــد زہـرا کے طفیـل
یوں کـرو آراستــہ دانؔش سفینــۂ حیـات
مرتضیٰ خود بخشوائیں عیـد زہرا کے طفیـل
✍ :- دانؔش سانکھنوی
Comments
Post a Comment